Esta semana iniciouse un ciclo de Charlas Saudables en Compostela organizado por La Voz de Galicia en colaboración con profesionais da Xerencia de Xestión Integrada de Santiago.

Como criterio xeral terán lugar:

• o primeiro mércores de cada mes, ás 20,00 horas

• na sede da Fundación Abanca, na rúa do Villar,

• e aboradarán dun xeito sinxelo e divulgativo algúns dos temas de saúde que máis interese suscitan na poboación xeral.

As charlas serán impartidas por profesionais de recoñecido prestixio da sanidade pública compostelá e está dirixido, non só a doentes, senón a todas aquelas persoas preocupadas por saber máis sobre saúde, tanto desde o punto de vista preventivo como sobre os tratamentos existentes na actualidade e mesmo sobre os que se está a investigar.

O mércores 9 de marzo a charla versou sobre O Ictus e As Demencias  por o Dr José Castillo Sánchez que é Xefe do Servizo de Neuroloxía do CHUS.